Kushtet e përdorimit

Për të lexuar duhet një llogari me email që e konfirmon me kod. Je përgjegjës për fjalëkalimin dhe për atë që bëhet me llogarinë tënde. Duhet të jesh të paktën 16 vjeç, ose të kesh lejen e prindit.

Kur blen një produkt, merr të drejtën ta lexosh, dëgjosh ose shikosh për vete, në web dhe në aplikacion, pa afat. Nuk blen të drejtat e autorit: produkti nuk mund të shpërndahet, rishitet, kopjohet për të tjerë apo publikohet.

Produktet falas merren me një klik dhe mbeten në bibliotekën tënde.

Çmimet janë në euro dhe përfshijnë gjithçka. Pagesa bëhet me kartë përmes Paysera, në digjitale.shop. Produkti shfaqet në bibliotekë sapo pagesa konfirmohet.

Të gjitha produktet janë digjitale, pa dërgesë fizike. Produkti shfaqet në bibliotekë menjëherë pas konfirmimit të pagesës, zakonisht brenda një minute.

Para pagesës pajtohesh që e humb të drejtën e tërheqjes 14-ditore, sepse përmbajtja të jepet menjëherë. Rimbursim të plotë merr nëse skedari nuk hapet ose nuk përputhet me përshkrimin dhe problemi nuk zgjidhet brenda 48 orësh, ose nëse je ngarkuar dy herë. Të gjitha detajet janë te faqja Rimbursimi dhe dorëzimi.

Shitësi i të gjitha produkteve ndaj blerësit është digjitale.shop. Autorët që publikojnë në platformë paguhen nga digjitale.shop veçmas, jashtë pagesës së blerësit.

Autorët publikojnë vetëm përmbajtje që e kanë shkruar vetë ose që kanë të drejtë ta shesin. Çdo produkt kontrollohet para publikimit. Autori merr 95% të çmimit të çdo shitjeje; platforma mban 5%. Produktet që shkelin të drejtat e të tjerëve hiqen.

Autorët mund të shkruajnë libra me ndihmën e AI, duke paguar me fjalë. Fjalët e blera nuk skadojnë dhe nuk kthehen pasi të përdoren; fjalët e papërdorura kthehen brenda 14 ditësh nga blerja. Autori është autori përgjegjës: e lexon, e redakton dhe garanton që libri nuk shkel të drejtat e të tjerëve. Teksti i shkruar tërësisht nga AI mund të mos mbrohet plotësisht nga e drejta e autorit. Nuk lejohen libra erotikë, kopje ose imitime të librave ekzistues, libra që shpifin njerëz realë, urrejtje apo udhëzime të rrezikshme. Çdo libër kontrollohet para publikimit dhe shfaqet gjithmonë me etiketën "Krijuar me AI, redaktuar nga" emri i autorit.

Autori mund të promovojë një produkt të publikuar për 5 € në 30 ditë. Produkti i promovuar del i pari vetëm aty ku i përshtatet: në kategorinë e tij, në kërkimet që e përfshijnë dhe në sugjerimet e Mirës kur i përshtatet pyetjes. Shfaqet gjithmonë me etiketën "I promovuar". Promovimi nuk ndryshon çmimin, vlerësimet apo përshkrimin dhe nuk rimbursohet pasi të nisë, përveç kur produkti hiqet nga ne pa faj të autorit.

Shpërndarja e skedarëve të blerë, ndarja e llogarisë me të tjerë, heqja e mbrojtjes nga videot apo skedarët, dhe përdorimi i platformës për diçka të paligjshme. Në këto raste mund ta mbyllim llogarinë.

Mira është ndihmëse e automatizuar (AI) dhe mund të gabojë. Sugjerimet e saj nuk janë këshillë profesionale.

Kur i ndryshojmë këto kushte, data më sipër ndryshon. Për ndryshime të mëdha të njoftojmë me email.

Për çdo pyetje: info@digjitale.shop, +383 44 520 354, ose te Profili, Na shkruaj, në aplikacion.